كـــرسى الاعتــراف

1- انه يكون متدين ويخاف ربنا ويراعى ربنا فيا ويقدرنى ويحترمنى
2-انه يكون مثقف وملم بامور كتيره وقادر على المحاوره والاقناع
3-انه يكون رجل بمعنى الكلمه وشخصيته قويه وقادر على تحمل المسئوليه سواء مسئوليه نفسه او المسئوليه الاكبر وهيه تكوين اسره
4-يكون عنده ثقه فى نفسه بقدر ثقته فيا لكن ثقه مش لدرجه توصل للغرور
5-يكون انسان طموح عنده هدف فى حياته ويحاول يوصله بكل الطرق
6- ميكنش بخيل لانى بكره الحرص الزايد عن اللزوم ومش مسرف برضه يكون معتدل
7- يكون دمه خفيف ومرح واجتماعى
8-يكون رومانسى جدـــــــــــــدا
9-مش عصبى او على الاقل يكون قادر انه يتحكم ف عصبيته دى معايا وغير كده يعرف كويس يمتص غضبى
10-يكون غيــــــــور لكن مش لدرجه الشك اللى يخنق
11-يكون رياضى
12- يكون مهتم بشكله ومظهره
12- يا سلام بأه لو كان وسيم الشكل وجان كده

بس ده اللى جه على بالى دلوقتى
لكن ياروزى من الصعب انك تلاقى المواصفات دى فى شخص واحد لان مفيش انسان كامل
و انتى اكيد عارفه الكمال لله وحده
لكن لو فيه حب اكيد انى هتغاضى عن حاجات كتير من اللى زكرتها وهرضى بيه زى ماهوه
لان اللى بيحب انسان بيحبه كده بكل ما فيه من عيوب او مميزات
بالعكس ده كمان ممكن ميشوفش عيوبه دى حتى لو كان غيره شايفها او حتى لو هوه نفسه شايفها فيه

الحمد لله اجابه اول سؤال خلصت تسمحيلى باه اخد راحه شويه وبعدين اكمل
وانا عارفه انك طيوبه ومش هتقولى لى لاء صح يا روزى ؟؟

ايه اكتر حاجه بتزعلك

اللى بيزعلنى
1- الظلم بكره موت ويضايقنى اوى لو حد ظلمنى
2- الظن ان حد يظن فيا حاجه مش من اسلوبى ولا طبعى اصلا
3- عدم الفهم يضايقنى ان حد يفهمنى غلط
4- الغدر وعدم الامانه وعمرى ما هسامح عليها
5- التقدير ان محدش يقدرنى

اهم حاجه انى انول رضا ربنا واهلى
ا-بتمنى انجح اكتر ف درستى
ا-أشتغل ف المجال اللى درست فيه
- بحلم انى اسافر للخارج
-يكون عندى ثقافه عن كل مجالات الحياه
- بحلم انى احسن من مستوايا المادى
- ان يكون ليا بيت صغيور زى كل البنات اكون انا ملكته




السؤال اللى كنت خايفه انك تساليه

لا انا مش خايفه من اسئلتك بالمره عادى اسئلى براحتك





انا عارفه ان لسه فيه سؤال مجاوبتش عليه لكن اسمحيلى ياروزى مش هقدر اجاوبك عليه