بحبك زى ماتكونى ............

بحبك زى ما تكونى ..... وبعشق كل شىء فيكى
وصورتك ساكنه فعيونى ..... وعمرى بشوفه فعنيكى
وحالف طول حياة روحى .... ما أحن لحد غير ليكـى

بحبك زى ما تكونى ...... وبضعف وانتى مش جنبى
بحس بشوقى وجنونى ...... فى يوم ما تغيبى عن قلبـى
يقولوا البعد بينسى ...... وفبعادك يزيد حـــــبـــى

بحبك زى ما تكونى ....... يا قمرى وليلى ونهارى
يا أقرب من وريد فيا ........ وأقرب ليـــــا من دارى
يا أجمل حد حبيته ........ وأحلى ملاك ف مشوارى

بحبك زى ما تكونى ......... يا أقرب ليا من نفسى
يا صوتى ونبضى وسكونى ...... يا أقرب من حنين همسى
ومن غيرك بتوه واضعف ....... ويبعد عنى نور شمسى

بحبك زى ما تكونى ....... حزينه .. جريحه .. مغلوبه
يا عمرى وفرحى وظنونى ..... يابسمه ف قلبى مكتوبه
وساعة بعيشها من غيرك...... ما هيش فى العمر محسوبه

بحبك زى ما تكونى .......رقيقه .. بريئه .. مظلومه
بحبك حتى لو كنتى .......شريده .. عنيده .. مهمومه
بحبك ذكرى فى الماضى .......وفرحة ف بكره مرسومه
__________________

ما انت حلوة اهو يا محمد

تسلم الايادى يا باشا

هو كان وحش ولا ايه
الرجل احساسه عليه اهو وبيقول كلام زى الفل

اية الكلام الجامد دة
لا ياعم احنا مش قدك
براحة عليا شوية
شكرا