| | مسلسل الولد الصعيدى والبنت نور الاستايل |  |
|
|
|
| كاتب الموضوع | رسالة |
|---|
روزى
Admin
 عدد الرسائل : 4596
العمر : 35
الوظيفه : تليمذه ف مدرسه الحياه
المزاج : تمام الحمدلله
تاريخ التسجيل : 22/09/2008
 |  موضوع: رد: مسلسل الولد الصعيدى والبنت نور الاستايل  الجمعة فبراير 13, 2009 6:45 pm | |
| ياابنى عيد حب بقا وبتاع
لازم ينسجموا | |
|
 | |
Banzema franco
من لاعضاء القدامى
عدد الرسائل : 1634
العمر : 36
تاريخ التسجيل : 15/01/2009
| | موضوع: رد: مسلسل الولد الصعيدى والبنت نور الاستايل السبت فبراير 14, 2009 8:44 am | |
| الحلقه الرابعه عشر
" يالهوي انا سايب احمد دا كله بيغرق ومحدش لحقه دا زمانه مااااااااااات اما نشوف حصله ايه "
احمد : يا نوووووووور الحقيني الحقيني
" واحمد اعد يطبش باديه ورجليه وينزل ويطلع يا عيني يا احمد "
نور : احمد انا جايه اهه امسك نفسك شويه
" يا عيني نور كانت لسه بتغير هدومها مش لحقت نطط في الميه بهدومها "
" وجت عند احمد لسه بتمسكه احمد قعد يضحك ويعوم "
" ونور يا عيني هتعمله ايه وزعلت منه ومشيت زحلانه "
احمد : خدي يا نور انا كنت بهزر معاكي بجد والله خدي بس مش تزعلي
نور : دي حركه تعملها فيا بردو انا قلبي وقع في رجلي اخص عليك يا احمد
احمد : خلاص بقه يا نور المسامح كريم وانتي مش بتزعلي صح انا كنت بهزر معاكى و الله
نور : خلاص يا احمد مش حصل حاجه بس مش تعملها تاني
احمد : اوعدك اني مش هعملها تاني اطلعي بقه غيري هدومك عشان مش تخدي برد والبسي كده اللي علي الحبل وانزلي عشان هعزمك علي غدوه جامده مووووووووت
" نور طلعت غيرت واحمد طلع لبس هو كمان اللي علي الحبل وراحوا فين "
" احمد ونور نزلو وقابلو بعض في الريسبشن "
نور : ايه بقي يا احمد الغدوه الجامده دي و العزومه
احمد : لا دي مفاجاه هتعرفيها دلوقتي
نور : طيب يلا بسرعه عشان انا هموت من الجوع
احمد : اوك يلا تاكسي
" احمد بيوقف تاكسى و راحين سوا "
التاكسى : على فين يا فندم ؟
احمد : مطعم سى فوود
" بعيد عنكوا كده التاكسى خدهم على اكبر محل سمك في شرم "
نور : وااااااااااااو ايه المحل التحفه دا يا احمد
احمد : دي حاجه بسيطه كده عشان اعتزرلك علي الموقف اللي حصل الصبح
" نور بتقول في سرها ياريت تعمل الموقف دا كل يوم "
نور : موقف ايه يا احمد مافيش حاجه حصلت دا يدوب كان قلبي هيقف
احمد : بعد الشر عليكي عشان الخضه دي قولت اغديكي اكله جامده موووووت كده
الجرسون : اوامرك يا فندم تطلب ايه
احمد : بص يا سيدي عايزين ولا جميع انواع السلطات والمخلاات و كمان بقي هات جميع انواع السمك اللي عندكوا ظبطنا يعني ومتنساش الجمبري يعني ظبطنا كده
الجرسون : اي خدمه تانيه يا فندم
احمد : شكرا متنساش اهم حاجه الميه بسرعه
نور : ايه الاكل دا كله يا احمد احنا هنقدر ناكل دا كله
احمد : ان شاء الله هناكلو ده انا بقالي يومين مش باكل الاكل بتاع الفندق ده مش بيشبع خالص
احمد : قوليلي صحيح يا نور عئبال ما يعملوا الاكل انتي مش اتقدملك حد للجواز خطوبه يعني
نور : بيتقدموا والله يا احمد بس انا لسه صغيره مش بفكر في الكلام ده دلوقتي وبعدين انا لسه مش قابلت فارس احلامي يعني لسه شويه
احمد : عملتي خير والله جواز ايه دلوقتي انتي لسه صغيره
نور : وانت مش حاطط عينك علي حد يا احمد
احمد : هههههههههه حاطط عيني علي الطفايه دي
نور : ههههههههه يخربيت عقلك بجد والله بتكلم بجد
احمد : لسه والله يا نور مش قابلت الانسانه اللي بحلم بيها بس يعني في احتمال اني اكون لاقتها قريب
" نور وشها احمر واخضر وضرب الوان و هتموت وتعرف مين دى "
نور : طب ما تقولى مين دى يا احمد
احمد : لا لسه شويه في الوقت المناسب هقولك ان شاء الله
" الجرسون جاب الاكل بقى "
الجرسون : الاكل يا فندم
" احمد ونور اكلوا بالهنا والشفا وشربوا بيبسى واتمشو لغايه باليل ولفوا البلد "
" وفضلو يتكلموا كتير اوي سوا و يحكو لبعض "
" و بعدين الاتنين روحوا وناموا "
" تاني يوم بقه صحيوا ونزلوا فطروا وراحوا البحر "
احمد : صباح الخير يا نور
نور : صباح الخير يا احمد عامل ايه
احمد : المشي بتاع امبارح ده بوظلي رجلي المهم انتي هتنزلي البحر النهارده
نور : اه بس اوعي تعمل حركه امبارح
احمد : لا خلاص عيب مش عنت هعملها
" احمد ونور نزلوا البحر وبيعوموا فاحمد وقف شويه ونور دخلت جوه "
" نور من كتر الارهاق جالها شد و كده فكانت هتغرق و اعده تنده علي احمد واحمد منفضلها "
" فاكرها بتشتغلو و كانت هتغرق بجد "
وووووووووووو هنعرف حصلها ايه الحلقه الى جايه بقى
هههههههههههه نكمل المره الى جايه ان شاء الله | |
|
| | |
جلنار
V.I.P
عدد الرسائل : 4901
العمر : 76
تاريخ التسجيل : 08/11/2008
| | موضوع: رد: مسلسل الولد الصعيدى والبنت نور الاستايل السبت فبراير 14, 2009 8:49 am | |
| ههههههههههههههههه
هههههههههههههههه
حلوة اوي ما فيش كلام | |
|
| | |
shando
المشرفين
 عدد الرسائل : 2081
العمر : 36
الوظيفه : طالب فى مدرسة الحياة
المزاج : تماااااااااااام والحمد لله
تاريخ التسجيل : 23/09/2008
| | موضوع: رد: مسلسل الولد الصعيدى والبنت نور الاستايل السبت فبراير 14, 2009 11:27 am | |
| ههههههههههههههههههههه
جميلة يا بنزيمة | |
|
| | |
روزى
Admin
عدد الرسائل : 4596
العمر : 35
الوظيفه : تليمذه ف مدرسه الحياه
المزاج : تمام الحمدلله
تاريخ التسجيل : 22/09/2008
| | موضوع: رد: مسلسل الولد الصعيدى والبنت نور الاستايل السبت فبراير 14, 2009 4:53 pm | |
| | |
|
| | |
Banzema franco
من لاعضاء القدامى
عدد الرسائل : 1634
العمر : 36
تاريخ التسجيل : 15/01/2009
| | موضوع: رد: مسلسل الولد الصعيدى والبنت نور الاستايل الأحد فبراير 15, 2009 11:43 am | |
| | |
|
| | |
جلنار
V.I.P
عدد الرسائل : 4901
العمر : 76
تاريخ التسجيل : 08/11/2008
| | موضوع: رد: مسلسل الولد الصعيدى والبنت نور الاستايل الأحد فبراير 15, 2009 11:45 am | |
| بنزيمة حلقة النهارده طووووووووووووولت | |
|
| | |
Banzema franco
من لاعضاء القدامى
عدد الرسائل : 1634
العمر : 36
تاريخ التسجيل : 15/01/2009
| | موضوع: رد: مسلسل الولد الصعيدى والبنت نور الاستايل الأحد فبراير 15, 2009 12:50 pm | |
| ايه ياعطور انتى حبيتيها قوى كده طيب افرض احمد حصلوا حاجه هتعملى ايه دلوقتى
هههههههههههههههه
يلا يا ال15
الحلقه الخامسه عشر
" احنا سيبنا نور بتغرق والحلقه خلصت مش مشكله نكمل بقى "
نور: اااااااااااحمد الحقني يا احمد الحقني بغرق
" احمد فاكر ان نور بتردله المقلب اللي عمله فيا واحمد منفضلها خالص "
احمد : بطلي شغل عيال يا نور انا فاهم الحركات دي واعد يضحك
" بارد اوي احمد ده هو مش بارد هو عامل نفسه ناصح "
نور : الحقوني الحقوني بغرق
" نور بتغرق بجد وعماله يا عيني تطلع وتنزل وتشرب في ميه واتخنقت "
" احمد خد بالو ان الموضوع بجد "
احمد : نوووووووووووور
" احمد عام باقصي سرعه ونور اغم عليها واحمد زعلان اوي راح شيلها و طالع بيها علي الشط "
احمد : نور نور اوعي تسبيني يا نور
" واحمد بيخبط علي صدرها عشان الميه تطلع و بيحاول و مافيش فايده "
" احمد جاب الاسعاف وراح بيها علي المستشفي بسرعه "
" الاسعاف جه خد نور علي المستشفي وهناك عملو الازم و طلعوا الميه ورجعولها التنفس وبقت تمام بس لازم تقعد يومين كده فى المستشفى "
" احمد يا عيني في المستشفي بلبس البحر ودموعه في عينه وبيدعي لنووووور "
احمد : دكتور خير
دكتور : خير يا ابني اتطمن الحمد لله هي بخير و هتبقى كويسه ان شاء الله
" احمد وشه نور من الفرحه شويه و بدا يهدى "
احمد : الف شكر يا دكتور الف شكر ممكن ادخولها
دكتور : ممكن اتفضل
" احمد والدموع مليانه في عينه داخل علي نور وبكل رومانسيه "
احمد : حمد لله علي السلامه يا نور وبيديها ورده
نور : مرسيي يا احمد
احمد : انتي بعد الشر لو كان جرالك حاجه انا كنت هرمي نفسي في البحر و اموت نفسى
نور : بعد الشر متقولش كده انتا برده اللي انقذت حياتي
احمد : انتي اللي ردتيلي حياتي والله يا نور بعد ما طمني الدكتور
" نور وشها احمر شويه و اتكسفت "
نور : مرسيي يا احمد مكنتش فاكره انك هتقلق عليا اوى كده
" احمد اتكسف "
احمد : ولا انا بس انتى شدي حيلك بقي كده وقوميلنا بالسلامه
نور : ان شاء الله يا احمد بس روح انت استريح انت شكلك تعبان اوى
احمد : اسيبك وامشي ازاى مش هقدر خالص وبعدين انا زي الفل اهو مالى
" احمد قعد جمب نور "
" اصحاب نور عرفو اللي حصل جم بسرعه يطمنوا عليها "
ريم : نور حبيبتي الف سلامه اانا مش صدقت والله اول ما قالولي انتي عملى ايه دلوئت
نور : انا الحمد لله كويسه
ريم : الحمد لله
ريم : انا متشكره جدا يا احمد عشان انقذت صحبتي
احمد : علي ايه يا نور ماهي صاحبتنا كلنا بردك
ريم : عنددك حق يا احمد مرسيي اوي بجد
" نور اعدت يومين في المستشفي و احمد كان معاها على طول وبعدين طلعت وكان فاضل يوم واحد بس ويرجعوا "
" احمد وريم وصلوا نور للاوده بتاعتها ونامت وتاني يوم الصبح بقى "
احمد : حمدالله علي السلامه يا نور
نور : الله يسلمك يا احمد والله انا مش عارفه ارد جميلك ده ازاي
احمد : جميل ايه بس هو في بينا جمايل بس علي فكره يا نور لو كان حصلك بعد الشر اي حاجه انا مش كنت هسامح نفسي خالص
نور : متقولش كده يا احمد انت بردو الي انقذت حياتي
" في منظر رومانسي اوى و السما صافيه والبحر ازرق والموسيقي في الفندق شغاله "
احمد : بس يا نور تعرفي وانتي نايمه بتكوني اموره و جميله اوي
" نور وشها احمر وضرب الوان ومش عارفه تقول ايه و اتلخبطت خالص "
نور : مرسيي يا احمد انت الاجمل ولله
" احمد قرب من نور وبص في عنيها "
و
وهنعرف قالوا ايه لبعض الحلقه الجايه ان شاء الله | |
|
| | |
Banzema franco
من لاعضاء القدامى
عدد الرسائل : 1634
العمر : 36
تاريخ التسجيل : 15/01/2009
| | موضوع: رد: مسلسل الولد الصعيدى والبنت نور الاستايل الأحد فبراير 15, 2009 12:53 pm | |
| تصدقى انا قلبى بدا يدق مع الحلقه الجامده قوى دى الواااد احمد ده اتعلم يتكلم فاكرين ياجماعه اول ماجه من البلد هههههههههه نور بتبقى اموره وهى نايمه انا لوحدى ال قريت الحلقه ال16 وانتو لا  | |
|
| | |
جلنار
V.I.P
عدد الرسائل : 4901
العمر : 76
تاريخ التسجيل : 08/11/2008
| | موضوع: رد: مسلسل الولد الصعيدى والبنت نور الاستايل الأحد فبراير 15, 2009 1:00 pm | |
| | |
|
| | |
Banzema franco
من لاعضاء القدامى
عدد الرسائل : 1634
العمر : 36
تاريخ التسجيل : 15/01/2009
| | موضوع: رد: مسلسل الولد الصعيدى والبنت نور الاستايل الأحد فبراير 15, 2009 1:04 pm | |
| مش هقولك لازم تستنى لبكره | |
|
| | |
جلنار
V.I.P
عدد الرسائل : 4901
العمر : 76
تاريخ التسجيل : 08/11/2008
| | موضوع: رد: مسلسل الولد الصعيدى والبنت نور الاستايل الأحد فبراير 15, 2009 1:10 pm | |
| | |
|
| | |
shando
المشرفين
عدد الرسائل : 2081
العمر : 36
الوظيفه : طالب فى مدرسة الحياة
المزاج : تماااااااااااام والحمد لله
تاريخ التسجيل : 23/09/2008
| | موضوع: رد: مسلسل الولد الصعيدى والبنت نور الاستايل الأحد فبراير 15, 2009 2:30 pm | |
| احمد بقى جامد
مستنين الجديد يا بنزيمة | |
|
| | |
Banzema franco
من لاعضاء القدامى
عدد الرسائل : 1634
العمر : 36
تاريخ التسجيل : 15/01/2009
| | موضوع: رد: مسلسل الولد الصعيدى والبنت نور الاستايل الإثنين فبراير 16, 2009 1:53 pm | |
| الحلقه السادسه عشر
" احمد قرب من نور وبص في عنيها "
" دا كان اخر الحلقه اللي فاتت النهارده بقى حلقه رومانسيه طحن "
" بردو في نفس المنظر الرومانسي البحر والاغاني الرومانسيه والطبيعه الساحره "
" احمد بيبص لنور في عنيها وقرب منها اوى "
" ايه دا دا قرب يالهوي دا قرب خالص ياااااااااااااااااااااالهوي احمد مسك ايد نور "
يابختووووووووووووووووو
احمد : يا نور انا مش عارف لو كان جرالك حاجه انا كان ممكن يحصلي ايه
نور : ليه يا احمد بعد الشر عليك متقولش كده
احمد : بجد والله اصلك يا نور بقيتي كل حاجه في حياتي ومن غيرك مش كنت عارف هعمل ايه في حياتي غيرتي كل حاجه في حياتي
نور : عشان انت طيب والله بجد يا ميدو وبتحب بسرعه
احمد : ميدو تصدقي احلي كلمه ميدو سمعتها في حياتي
نور : خلاص يا سيدي ليك عليا مش اقولك غير يا ميدو
احمد : مرسي يا نور بس تصدقي يا نور بجد انا حلمت بيكي امبارح
نور : بجد يا احمد احكي بسرعه حلمت بايه
احمد : خير الله ما اجعله خير اننا ركبين طياره ومسافرين بيها مش مش عارف مسافرين فين المهم الطياره كانت بتقع
نور : يا لهوي هتموتني في الحلم يا احمد
احمد : بعد الشر عليكي
احمد : المهم اتخضيت عليكي رحت واخدك مبين ايديا ورحت بيكي كبينه الطياره انا اللي سوقتها ووصلنا الحمد لله
نور : طيب الحمد لله مش جرالنا حاجه
احمد : بس ايه كنتي لبسه حته فستان ابيض جميل
" نور وشها نور من الفرحه و فرحت اوى اوى "
نور : بجد يا احمد
" احمد شاف ريم صاحبه نور جايه من بعيد زعل اوي "
ريم : اذيكوا يا حلوين عامله ايه يا نور داوقتي
نور : الحمد لله كويسه ميدو خرجني من الاوده وبنتمشي شويه
ريم : مين ميدو ده
احمد : انا يا ريم ميدو اصلي غيرت اسمي
ريم : هههههههههه بجد الف مبروك عئبالي لما اغيره
احمد : ههههههههه تغيريه هيبقى ايه ميدو بردو
نور : يخربيت عقلك يا ميدو صحيح يا ريم هتغيريه ليه
احمد : دا حتي الاسم دا وحش اوى قصدى حلو اوى اوى
ريم : انا اسمى وحش بردو يا احمد ماشي انا ماشيه وسيباكوا لوحديكو
نور : ياريم بنهظر معاكي والله خلاص مش تزعلي
احمد : بنهظر والله يا ريم خلاص اؤمري اي طلب واحنا ننفذه عشان نصلحك بيه
" ريم طلبت منهم طلب "
هنعرفو بقى الحلقه الى جايه ان شاء الله
| |
|
| | |
Banzema franco
من لاعضاء القدامى
عدد الرسائل : 1634
العمر : 36
تاريخ التسجيل : 15/01/2009
| | موضوع: رد: مسلسل الولد الصعيدى والبنت نور الاستايل الإثنين فبراير 16, 2009 1:56 pm | |
| الحلقه السابعه عشر
" احمد ونور بيهزروا مع ريم بس ريم زعلت و احمد و نور حبو يصلحوها فريم طلبت طلب ؟ "
احمد : اؤمري يا ست ريم طلباتك اوامر بس مش تزعلى
ريم : مرسي يا احمد انا هطلب منكوا طلب بصفتي جعانه دلوقتي عايزه اتغدي
احمد : بس كده يالهوي انا قولت هتقولي حاجه جامده خدي يا سيتي 5 جنيه اهه جديده واتغدي برحتك من اي واحد بتاع فول وطعميه جبيلك 16 سندوتش و كلى لحد ما تشبعى
نور : هههههههههههههههه اه صح روحى كلى فول و طعميه
ريم : بتدحكي عليا يا نور ماشي ماكنش العشم
نور : الحق يا احمد دي زعلت والله يا ريم بنهزر معاكي
احمد : بجد بهزر معاكي يا ريم انت بتزعلي بسرعه كده ليه خلاص يا ستي اختاري اي مكان نتغدي في وعلي حسابي كمان
ريم : مرسي يا احمد انا نفسي في سمك اوي
احمد : بس كده يا سلام تؤمري يلا بينا هغديكوا غدوه تحلفوا بيها استنوني هنا ثواني
ريم : انت رايح فين يا احمد
احمد : ثواني اجيب حاجه واجي ثواني بصوا شايفين الصخره اللي هناك دي روحوا اعدوا عليها وانا جايلكوا حالا
" احمد ساب نور وريم علي صخره علي البحر وطلع الاوده بتاعته جاب سناره صيد كان جايبها معاه "
" كان بيصطاد بيها من التورعه اللي كانت عندهم فى البلد "
" مش مشكله احمد نزل بالسناره وسله صغيره كده عشان يحط فيها السمك "
" نور وريم شافوا احمد جاي من بعيد "
نور : ايه دا يا احمد انت هتعمل ايه
احمد : زي ما انتي شايفه هصطاد سمك ونشوي هنا هيبقي اخر يوم لازم يبقي جاااااااامد مش احنا بردك ماشين بكره بليل
ريم : اه صحيح فكرتني يا خساره كانت رحله جميله بس دا شكله هيبقي اجمد يوم بقى
نور : عندك حق يا ريم انا بحب الصيد اوي
احمد : اشطات هيبقي يوم جامد
" سيبوا احمد ونور يصطادوا وتعالوا نشوف الحوار ده حصل فى البلد بتاعه احمد "
ابو احمد : الواد يا حجه ولا بيسال فينا لحسن يكون جراله حاجه
ام احمد : انا عارفه الواد زي ما يكون في حاجه شغلته عنا جامد ونسي نفسه يا خويا
ابو احمد : احنا لازم نتصل بيه
ام احمد : بس هنتصل بي ازاي بس
ابو احمد : هو مش سايب معاكي رقم الشجه اللي ساكن جصادها
ام احمد : اه والنبي دا سيبها معايا استني اخش اجيبها
ابو احمد : هاتي ااما نتصل بيه نشوفه فين ونطمن عليه
" والحج اتصل ودار اجمد حوار فى المسلسل كلو "
و نكمل بقى الحوار فى الحلقه الى جايه
| |
|
| | |
Banzema franco
من لاعضاء القدامى
عدد الرسائل : 1634
العمر : 36
تاريخ التسجيل : 15/01/2009
| | موضوع: رد: مسلسل الولد الصعيدى والبنت نور الاستايل الإثنين فبراير 16, 2009 1:59 pm | |
| حلقتين جامدين النهارده
عشان تعرفوا انا بحبكوا اد ايه
تابعونى الحلقات الجايه | |
|
| | |
روزى
Admin
عدد الرسائل : 4596
العمر : 35
الوظيفه : تليمذه ف مدرسه الحياه
المزاج : تمام الحمدلله
تاريخ التسجيل : 22/09/2008
| | موضوع: رد: مسلسل الولد الصعيدى والبنت نور الاستايل الإثنين فبراير 16, 2009 3:03 pm | |
| ياجامد ياجامد
ميرسيى ياباشا | |
|
| | |
جلنار
V.I.P
عدد الرسائل : 4901
العمر : 76
تاريخ التسجيل : 08/11/2008
| | موضوع: رد: مسلسل الولد الصعيدى والبنت نور الاستايل الإثنين فبراير 16, 2009 3:25 pm | |
| الحلقة الجية هتكون حلوة اوي على شان الولية جارتو هههههههههههههههههههههه  | |
|
| | |
جلنار
V.I.P
عدد الرسائل : 4901
العمر : 76
تاريخ التسجيل : 08/11/2008
| | موضوع: رد: مسلسل الولد الصعيدى والبنت نور الاستايل الإثنين فبراير 16, 2009 3:26 pm | |
| - Banzema franco كتب:
- حلقتين جامدين النهارده
عشان تعرفوا انا بحبكوا اد ايه
تابعونى الحلقات الجايه شكرا ليك يا بنزيمة يا عسل | |
|
| | |
shando
المشرفين
عدد الرسائل : 2081
العمر : 36
الوظيفه : طالب فى مدرسة الحياة
المزاج : تماااااااااااام والحمد لله
تاريخ التسجيل : 23/09/2008
| | موضوع: رد: مسلسل الولد الصعيدى والبنت نور الاستايل الثلاثاء فبراير 17, 2009 11:49 am | |
| ههههههههههههههههههههههههههههههههههههه
جامد يابنزيمة | |
|
| | |
جلنار
V.I.P
عدد الرسائل : 4901
العمر : 76
تاريخ التسجيل : 08/11/2008
| | موضوع: رد: مسلسل الولد الصعيدى والبنت نور الاستايل الثلاثاء فبراير 17, 2009 6:11 pm | |
| على فكرة يا بنزيمة حلقة النهارده ما نزلتش  | |
|
| | |
Banzema franco
من لاعضاء القدامى
عدد الرسائل : 1634
العمر : 36
تاريخ التسجيل : 15/01/2009
| | موضوع: رد: مسلسل الولد الصعيدى والبنت نور الاستايل الثلاثاء فبراير 17, 2009 7:05 pm | |
| على فكره ياجماعه المسلسل قرب ينتهى انا كبرت الجلقات
علشان تستمتعوا بلاحداث اكتر | |
|
| | |
Banzema franco
من لاعضاء القدامى
عدد الرسائل : 1634
العمر : 36
تاريخ التسجيل : 15/01/2009
| | موضوع: رد: مسلسل الولد الصعيدى والبنت نور الاستايل الثلاثاء فبراير 17, 2009 7:18 pm | |
| الحلقه الثامنه عشر
والحج اتصل ودار حوار جامد اوى
الحاج ابو احمد والحاجه جابوا الرقم واتصوا بالوليه اللى بتوحوح لو فاكرين
الحج : شجه الست عطيات
عطيات دي الوليه الي سعطيات : ايوه يا اخويا عايز مين
الحج : كنا عايزين نكلم احمد هو هنا
عطيات : يالهوي هنا فين يا حج مش عيب دا انا ست لوحدي واخاف علي سمعتي
الحج : يا ست الشريفه مش جصدي انا جصدي تنديه من شجته هو مش ساكن هنا برضه
عطيات : ايوه يا خويا ساكن هنا بس هو مش هنا الندل ده وانت مين يا اخويا
الحج : انا ابوه هو مش هنا ليه
عطيات : ابوه يا اهلا يا اهلا العمده يا مراحب يا حج
الحج : اهلا بيكي يا ست هو مش موجود
عطيات : لا يا اخويا دا مسافر شرم الشيخ ولسه ما جاش
الحج : يالهوي كفر الشيخ يعمل ايه هناك
عطيات : يا حج شرم شرم الشيخ بتاعت الاجانب والسياح ده مصيف يعني
الحج : زي جمصه كده
عطيات : ايوه زي جمصه كده بس شرم دي بتاعت الناس الهاي اوي والاجانب
الحج : ايوه ايوه يا عيب الشوم بتاعت البنات المش لابسين هدوم
عطيات : ايوه يا حج شوفت وواخد معاه واحده صاحبته هي اللي هتبوظه يا حج
عطيات مفروسه من نور عشان احمد مهتم بيها ومنفضلها
الحج : واحده
عطيات : اه والنبي يا خويا رايح مع واحده زميلته في الجامعه هتبوظه
الحج : متشكرين يا ست عطيات والنبي لما يجي ابجي شيعلنا تليفون عشان اجيله
عطيات : حاضر يا خويا
الحج ابو احمد بيضرب كف علي كف وبيكلم في نفسه وعطيات ضربت مهموز في احمد جامد اوى
سيبك بقي من الحج وعطيات وتعالوا نشوف احمد ونور وريم عملو ايه مع الصيد
نور : هههههههههههه واحده كمان اهه يا احمد شد السناره بقى
احمد : شكلكوا مرزقين يا بنات انا عمري ما صطدت سمك بالكميه دي ما شاء الله
نور : كفايه كده يا احمد وتعالوا نشويهم بقي
احمد : استني كمان شويه اخر واحده عشان كل واحد ياخد خمسه عشان ريم دي شكلها جعانه وممكن تاكلنا
ريم : اه والله يا احمد انا جعانه مووت اهه يا احمد جيبها بقي
احمد : حاضر ههههههههههههههههههه بصي يا نور نصيب ريم طلع ايه
نور : هههههههههههههههه انتي هتكلي دي ههههههههههههههههه
ريم : كدا برضه يا نور تردي ان اكل الشىء ده
ماتخدوش فى بالكم اصلي معرفش احمد اصطاد ايه علشان انا ماكنتش معاهم لما يجي هبقى اسالوا
هههههههههههههههه رخم اوى انا عارف فى الحته دى
احمد : يلا يا ريم ويا نور حضروا الشوايه عشان نشوي السمك عشان انا جعان مووووووت
ريم : اه بسرعه يا نور عشان انا ممكن اكل احمد دلوقتي
نور : يالهوي تاكلي احمد لا انا خلصت اهه
احمد ونور وريم كله بالهنا والشفا واعدو شويه قدام البحر طبعا احمد مش عارف يكلم نور من الست ريم
أحمد : بس انا عاذرها والله اصلها مش ليها صاحبه غير نور هتقعد مع مين يعنى مع انها اموره بس يا خساره لو مكنتش اتعرفت على نور فى اول القصه يلا هعمل ايه بقى هقطع روحى
ما علينا المهم نكمل بقى كلامنا بعد فاصل من المعاكسه فى ريم العسل و هما خلصوا اكل و كده
احمد : انا طالع بقي احضر شنطتي عشان بكره اكون فاضي
نور : اه صحيح ده احنا هنرجع بكره يخبر يلا يا ريم نطلع نحضر الشنط عشان بكره نخرج قبل ما نمشي و نكون مجهزين الشنط
ريم : اوك يلا بينا
احمد : انا عندي فكره وانتي يا نور بتحضري الشنط حطي ريم جوه شنطه عشان مش تقعد علي سلم الباص زي ما عملتها واحنا جايين و مش كانت لاقيه مكان تقعد
نور : ههههههههههه عندك حق يا احمد والله
ريم : عنده حق ده بدل ما تقوملي وتخليني اعد مكانك مش انت ولد و تتحمل
نور : لا في دي يا احمد عندها حق
احمد : يالهوي انتي تؤمري يا ريم ده انا ممكن اخلي الى فى الباص كله يجري وراه و مش يركب اصلا وانتي بس ركبه جوه وتقعدي علي كل الكراسي براحتك
ريم : اتريق اتريق
احمد : خلاص انا غلطان وهسيبك في الشنطه هههههههههههههه
نور : خلاص يا احمد دي مهما كان برضه صحبتي
احمد : خلاص يا نور علشان خاطرك انتي و علشان خاطر ريم
ريم : ميرسي يا احمد
احمد ونور وريم طلعوا يحضرو الشنط وناموا لغايه بالليل
و بعد لما صحيوا نزلوا اتعشوا وخرجوا شويه وبرضه ريم معاهم مش عارفين يتكلموا خالص
احمد بوظ القعده علي ريم ومشاها بذكاء على شان يعرف يكلم نور
المره الجايه بقى نعرف احمد عمل ايه علشان يمشيها
استنوووووووووا الحلقه الجايه | |
|
| | |
جلنار
V.I.P
عدد الرسائل : 4901
العمر : 76
تاريخ التسجيل : 08/11/2008
| | موضوع: رد: مسلسل الولد الصعيدى والبنت نور الاستايل الثلاثاء فبراير 17, 2009 7:25 pm | |
| حلقة حلوة اوي
هههههههههه
بنزيمة يا ريت تعمل مسلسل لاعضاء المنتدى
يعني نكون احنا شخصياات المسلسل
ويكون لذيذ زيك
ها ايه رايك | |
|
| | |
Banzema franco
من لاعضاء القدامى
عدد الرسائل : 1634
العمر : 36
تاريخ التسجيل : 15/01/2009
| | موضوع: رد: مسلسل الولد الصعيدى والبنت نور الاستايل الثلاثاء فبراير 17, 2009 7:30 pm | |
| اوك فكرتك حلوه ياعطوررر
لكن انت عارفه ان المسلسل ده خد منى وقت كبير قوى
على العموم انا بجمع فى فكره جديده هتكون موجوده قريب | |
|
| | |
| | مسلسل الولد الصعيدى والبنت نور الاستايل | |
|
